Ukrayna Daxili İşlər naziri Arsen Avakova qarşı sui-qəsd planının qarşısı alınıb.

Axar.az xəbər verir ki, bu sözləri Ukrayna Milli Polis Təşkilatının rəis müavini Vyaçeslav Abroskin deyib.

“Şübhəli şəxsin yaşadığı yerlərdə axtarış apararkən əldə etdiyimiz maddi sübutlardan belə nəticəyə gəlinib ki, DİN rəhbəri Arsen Avakova qarşı sui-qəsd planı hazırlanıb. Cinayətkarlarda müxtəlif partlayıcı maddələr olub. Həmçinin planın həyata keçirilməsi üçün kvadrakopterdən də istifadə edilməsi nəzərdə tutulubmuş. Nazir birbaşa iqamətgahında öldürülməli idi. Bu səbəbdən təşkilatçılar xüsusi texniki vasitələrlə nazirin qaldığı ünvanları nəzarətdə saxlayırdılar”, - Abroskin bildirib.

Qeyd edək ki, saxlanılan şəxslərin bir sıra xarici diplomatik nümayədəliklərdə də təxribat törətmək istədikləri məlum olub.