ABŞ-ın kommersiya məqsədli xam neft ehtiyatlarının ötən həftə 3,4 milyon barel azaldığı bildirilib.


ABŞ Enerji İnformasiya İdarəsinin (EIA) hesabatına görə, ölkədəki kommersiya xam neft ehtiyatları ötən həftə 3,4 milyon barrel azalaraq 453,7 milyon barrelə enib. "Marja" xəbər verir ki, bazarlarda ehtiyatların 2,3 milyon barrel azalması gözlənilirdi (proqnoz).

EIA məlumatlarının Amerika Neft İnstitutunun (API) dünən açıqladığı rəqəmlərlə zidd olması diqqəti çəkib. API, neft ehtiyatlarının ötən həftə 1,8 milyon artdığını bildirmişdi.


Digər tərəfdən, EIA hesabatında, neft bazalarına daxil olmayan strateji xam neft ehtiyatlarının ötən həftə 2,4 milyon barrel (0,4 faiz) azalaraq 665,1 milyon barrelə düşdüyü qeyd edilib.


Həmçinin hesabat, ABŞ-ın həftəlik benzin ehtiyatlarının 3,6 milyon barel artaraq 214,1 milyon barelə qalxdığını göstərib.


Benzin ehtiyatlarına dair bazar gözləntisi isə 1,2 milyon barel artması istiqamətində idi.
marja.az