Məşhur “Nəşnl İnterest” nəşri Şimali Koreyanın ABŞ-ın paytaxtı Vaşinqtonu 250 kilotonluq bomba ilə vurması durumunda yaşanacaq fəlakətlərlə bağlı məqalə yayımlayıb. Axar.az xəbər verir ki, yazıda belə bir hücumun baş verəcəyi zaman 413 min insanın öləcəyi, 527 min insanın da yaralanacağı bildirilir.
Bundan öncə isə, adıçəkilən nəşrin yazarı Daniel R. DePetris Los-Ancelesin fəlakət ssenarisini oxuculara təqdim etmişdi.
O, Los-Ancelesin 250 kitolonluq bomba ilə vurulacağı halda 378 min insanın öləcəyini, 860 minin də yaralanacağını vurğulamışdı.
Qeyd edək ki, 2 gün öncə Şimali Koreyanın ağır nüvə başlıqları daşımaq imkanlarına sahib “Hvasonq-15” raketlərini uğurla sınaqdan keçirməsi beynəlxalq ictimaiyyəti ciddi narahat edib.