Dəməşq ətrafında yerləşən Hərəsta qəsəbəsi yaxınlığındakı hərbi baza mühasirəyə düşüb. İki gündür ki, “Əhraruş-Şam” və digər terrorçular tərəfindən başladılan hücumlar nəticəsində hərbi bazada olan ondan artıq suriyalı hərbçi ölüb və yaralanıb. Hərbi bazanın 3 tərəfdən hücuma məruz qaldıqdan sonra tamamilə mühasirəyə alındığı qeyd edilir. Hazırda Suriya hərbi aviasiyası və artileriyasının bazaya yolu bərpa etmək üçün terrorçulara zərbələr endirdiyi deyilir. Avizərbələr nəticəsində terrorçuların çox sayda itki verdiyi qeyd edilir. Qeyd edək ki, terrorçuların Şərqi Quta bölgəsində aktivləşməsi nəticəsində baş verən hücumda bir neçə Suriya ordusu polkovniki və generalının yarlandığı diqqətə çatdırılır. /eastnews.org