"Altılıq” və İranın birgə komissiyasının iclası ABŞ-sız keçiriləcək

25-05-2018, 08:17           

Vyanada mayın 25-də nüvə sazişinin icrasına nəzarət edən “altılıq” ölkələri və İranın birgə komissiyasının növbəti iclası keçiriləcək. APA-nın “RİA Novosti”yə istinadən verdiyi xəbərə görə, toplantı ilk dəfə olaraq ABŞ-ın iştirakı olmadan keçiriləcək.



Komissiyanın sonuncu iclası Vyanada martın 16-da keçirilib. Qeyd olunan komissiya Birgə Hərtərəfli Fəaliyyət Planının icrasını yoxlamaq səlahiyyətinə malik yeganə qurumdur.



“Bildiyiniz kimi, prezident Tramp ABŞ-ın həmin sazişdən çıxmasına dair qərar verib. Çünki bu saziş ABŞ-ın milli maraqlarının qorunmasını təmin edə bilmədi. Bu səbəbdən də ABŞ birgə komissiyanın tərkibində təmsil olunmayacacaq”, - deyə ABŞ Vyanadakı daimi nümayəndəliyindən bildirilir.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.