Belarus prezidenti Aleksandr Lukaşenko Rusiyaya qəzəblənib. Prezidenti qəzəbləndirən Rusiyanın qadağan edilən malların siyahısı ilə bağlı açıqlaması olub.

Cebhe.info xəbər verir ki, Lukaşenko məsələni gömrük Komitəsinin sədri Yuri Senko ilə müzakirə edib.

"Bu, bizim üçün başağrısıdır. Rusiyanın xeyrinə iş görürük. Burada isə gömrükçülər başqa söz deyir, orda axı həmişə dava gedir, kimsə nəsə sifariş edir. Onlar da bizə iddia irəli sürməyə başlayırlar. Bizə minnətdar olmaqdansa, sanksiya altındakı mallarla bağlı pis işlədiyimizi deyirlər",- deyə dövlət başçısı bildirib.

Prezident qeyd edib ki, qadağan edilən məhsulların daşınması ilə Rusiya şirkətləri məşğul olur ki, onların da arxasında paqonlular dayanır: "Bu haqda utanmadan danışmaq lazımdır. Gömrükçülərlə danışmaq yox, hokuməti və prezidenti məlumatlandırmaq lazımdır. Qoy onlar özləri aydınlaşdırsın. Mən Putinə bu barədə tez-tez deyirəm".