Tramp Kaliforniya ştatında fövqəladə vəziyyət elan etdi: meşə yanğınlarına görə
29-07-2018, 08:12
ABŞ prezidenti Donald Tramp Kaliforniya ştatında baş verən meşə yanğınları ilə əlaqədar fövqəladə vəziyyət elan edib.
Trend-in məlumatına görə, bu barədə Ağ Evin yaydığı məlumatda deyilir.
"ABŞ Prezidenti Donald Tramp Kaliforniya ştatında fövqəladə vəziyyət barədə bəyan edib və ştata federal yardımın verilməsi barədə sərəncam imzalayıb", - deyə Ağ Ev bildirib.
Qeyd olunur ki, ştatda yanğın nəticəsində 500 ev və 75 tikili yararsız hala düşüb. Hal-hazırda yanğının ərazisi 19,5 min ha təşkil edir, bununla belə onun yalnız 5 faizi lokallaşdırılıb.
