Gəncə şəhər icra hakimiyyətinin başçısı Elmar Vəliyevlə bağlı DİA.AZ-a ilginc məlumat daxilolub. Redaksiyamızı bilgiləndirən mötəbər mənbə iddia edir ki, ölkənin ikinci ən böyük şəhərinin icra başçısı adından Gəncədəki dairə seçki komissiyalarının rəhbərlərinə yeni təlimat daxil olub.

Mənbənin dia.az-a söylədikləri: "Əslində bu xəbər nonsens deyil. Amma maraqlı olanı odur ki, Elmar Vəliyev hər bir DSK sədrinə təlimat verib ki, seçki günü tələb olunan vəsaitlə bağlı ŞİH-ə smeta çıxarıb versinlər. Yəni bu o deməkdir ki, Gəncədə DSK-ları yerli icra hakimiyyəti rəsmən maliyyələşdirir".

Mənbə onu da əlavə edib ki, bundan sonra Elmar Vəliyevin iradəsindən kənar birisinin hansısa formada iddiası üzərə mübarizə aparması ağlabatan görünmür: "Yəni nəticələr indidən bəllidirsə, seçkiyə qatılmağın mənası nədir"...

Qarşı tərəfin də mövqeyini işıqlandırmağa hazırıq...