Bu gün Ermənistan prezidenti Serj Sarkisyan Polşanın paytaxtı Varşavaya səfərə gedir.

Bu barədə AzVision.az erməni KİV-nə istinadən xəbər verir.

Səfərin məqsədi NATO-nun sammitində iştirak etməkdir. Varşavaya səfər zamanı Serj Sarkisyanın ikitərəfli görüşlər keçirəcəyi bildirilir.

Erməni KİV-lərin yaydığı məlumata görə, Azərbaycan və Ermənistan prezidentləri Varşavada NATO sammiti çərçivəsində görüşə bilərlər.

Rəsmi qurumlar tərəfindən bu görüşün baş tutub-tutmaycağı haqda rəsmi açıqlama verilməyib.

ATƏT-in Minsk Qrupunun amerikalı həmsədri Ceyms Uorlik isə bildirib ki, Ermənistan-Azərbaycan Dağlıq Qarabağ münaqişəsi Varşavada keçirilən NATO sammiti çərçivəsində müzakirə olunacaq.

“Ermənistan-Azərbaycan Dağlıq Qarabağ münaqişəsinə dair danışıqlar prosesinin davam etdirilməsi üçün NATO sammiti yaxşı imkandır”, deyə Uorlik bildirib.