İSRAİL-FƏLƏSTİN TOQQUŞMASI BÖYÜYÜR… İRAN MÜHARİBƏYƏ NECƏ QOŞULDU? – RƏY

13-10-2023, 13:24           
İSRAİL-FƏLƏSTİN TOQQUŞMASI BÖYÜYÜR… İRAN MÜHARİBƏYƏ NECƏ QOŞULDU? – RƏY
İran planını tam aktivləşdirə bilsə, müharibə aylarla davam edəcək. İsrail üç cəbhədə eyni anda müharibə aparmağa hazır deyil. Ehtimal ki, vəziyyətdən asılı olaraq Təl-Əviv ABŞ və Qərbdən yardım istəyəcək.

Bu sözləri Tribinainfo.az-a siyasi şərhçi Turan Rzayev bildirib. O qeyd edib ki, HƏMAS-İsrail müharibəsinin şiddətlənməsi bu qanlı prosesin uzunmüddətli olma ehtimalını artırır:

“Döyüşlərin şiddətlənməsi və trayektoriyasının bütün regiona yayılmasında maraqlı olan qüvvələr var. İran bu ölkələrin başında dayanır.

Ümumiyyətlə, rəsmi Tehran prosesi alovlandıran HƏMAS-ı təşkilatlandırıb fərqli döyüş strategiyası ilə İsrailə hücuma sövq edən başlıca gücdür.

Tehran İsrailə qarşı 5 cəbhədə – Qəzza sektoru, Livan, Suriya, İran və Fələstində mübarizə aparmaq istəyir. Prinsip etibarilə Tehran HƏMAS-ın İsrailə hücumu ilə Qəzza sektorundan ilk cəbhəni açdı. İndi isə növbə Livan və Fələstin cəbhələrinindir”.

T.Rzayev bildirib ki, bu müharibədə İranın arxa cəbhə rolunu oynayır:

“Həmin cəbhə aktiv döyüşlərdə rol almasa da, müharibənin uzunmüddətli olması üçün əsas iş onun üzərinə düşür. İran planını tam aktivləşdirə bilsə, müharibə aylarla davam edəcək”.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru