Bu ilin yanvar-iyul aylarında Azərbaycanda 1 862,7 kq qızıl, 2 533,5 kq gümüş istehsal edilib.

İndex.az bu barədə Dövlət Statistika Komitəsinə istinadən xəbər verir.

Qızıl istehsalı 2024-cü ilin 7 ayı ilə müqayisədə 49,2 %, gümüş istehsalı isə 32,9 % artıb.

Ötən 7 ay ərzində Azərbaycanda mis konsentratının istehsalı 1 693,4 ton olub ki, bu da bir il öncəki göstəricidən 15,1 dəfə çoxdur.

Bu ilin avqustun 1-nə olan məlumata görə, ölkədə 167,5 kq qızıl, 577,3 kq gümüş ehtiyatı yaranıb. Mis konsentratının ehtiyatı isə 255,3 ton təşkil edib.