Psixoanalizin atası Ziqmund Freyd ya yorğunluqdan, ya da ümidsizlikdən bir dəfə demişdi: “Otuz ildir qadın ruhu ilə bağlı araşdırmalarıma baxmayaraq, cavabını tapmamışam və hələ də cavab verə bilmədiyim böyük sual bu sualdır: Bir qadın nə istəyir?”.

Biz Freydlə hətta qiyabi olaraq da mübahisə etməyəcəyik, amma o, “nə istəyir” sualının böyüklüyünü şişirdib. Sağ olsaydı, yəqin ki, bizim arqumentlərimizlə razılaşardı. Sadəcə olaraq, onun məhşur sualındakı “qadın” sözünü “ermənilər”lə əvəz etmək lazımdır. O zaman qoca Freyd, şübhəsiz ki, “ermənilər nə istəyir?” sualının cavabının təbiətdə olmamasına heyran olardı.

Qonşularımızın bütün problemi nağılları sevmələridir. Onlar Adəmlə Həvvanın həsəd apara biləcəyi “qədimlikləri” haqqında mif və əfsanələr uydururlar. Və bundan dərhal sonra rəvayətlər yaranır ki, Yer kürəsinin qalan hissəsi qədim zamanlardan bəri, paxıllıqdan erməniləri məhv etmək vəzifəsini qarşısına qoyub. Baxmayaraq ki, dünyəvi sivilizasiyaya ermənilər məşhur lətifədəki “ələkeçməz Co” kimi lazımdırlar.

Ermənilər ATƏT-in hazırkı sədri, Maltanın xarici işlər, Avropa işləri və ticarət naziri Yan Borqa öz “əzabkeşliklərini” xatırlatmaq qərarına gəliblər. Borq İrəvan torpağına ayağını təzəcə qıyan kimi...

Belə ki, ona “Dağlıq Qarabağ”dan olan və “deportasiya edilənlərin” adından İrəvanda məktub çatdırılıb. “Artsax xalqının” tələb və ümidlərini əks etdirən məktub mayın 13-də keçirilən mətbuat konfransında cənab Borqa təqdim olunub. Oxşar məktub xarici işlər naziri Ararat Mirzoyana da göndərilib.

Məktubu çatdıran jurnalist vurğulayıb ki, “Artsax xalqı” öz vətəninə qayıtmaq istəyir. “ATƏT Artsax məsələsini birdəfəlik bağlayıb? Əgər belə deyilsə, ATƏT onların geri dönüşünü necə təsəvvür edir?”, - deyə jurnalist soruşub.

ATƏT-in fəaliyyətdə olan sədri cavabında qeyd edib ki, təşkilat insanlar üçündür, amma ATƏT özünün iştirak etmədiyi prosesə müdaxilə edə bilməz və qurum iki ölkənin mövqeyinə hörmətlə yanaşır. Beləliklə, indiki sədr birbaşa qurumla bağlı sualdan yayınmaqla yanaşı, ATƏT-in Minsk Qrupunu da “dəfn etdi”.

Gəlin ondan başlayaq ki, niyə yer üzündə “Arsax xalqı”nın Qarabağ bölgəsinə qayıtması ilə bağlı sual ATƏT sədrinə ünvanlanır? Məntiq haradadır?

İkincisi. Azərbaycan hakimiyyəti artıq dəfələrlə bildirib ki, Qarabağ bölgəsi ermənilərinin təhlükəsizliyinə zəmanət verilir. Və dəfələrlə qeyd olunub ki, ermənilərin heç bir xüsusi statusu olmayacaq. Onlar Azərbaycan torpağında yaşamaq istəyirlərsə, bu, o deməkdir ki, onlar Azərbaycan vətəndaşı olmalı, bütün millətlər kimi dövlətin ümumi qanunlarına tabe olmalıdırlar.

Üçüncüsü. “Soyqırımı”nın xüsusiyyətlərinə eyham vuran “deportasiya”nın saxta və hamını bezdirmiş tərifi artıq heç kimi cəlb etmir.

Dördüncüsü və bəlkə də ən vacibi. ATƏT-in Minsk Qrupunu ATƏT yox, ATƏT sədrindən daha tez Azərbaycan Prezidenti İlham Əliyev “dəfn edib”.

Və buna görə də maraqlanırıq. Kimsə izah edə bilərmi: ermənilər nə istəyir?

Müəllif: Fed Bakinski - ayna.az