Jurnalist Cəmil Məmmədlinin barəsindəki hökmdən verilən apellyasiya şikayəti üzrə məhkəmə iclasının vaxtı məlum olub.

Pravda.az-ın əldə etdiyi məlumata görə, Sumqayıt Apellyasiya Məhkəməsində keçiriləcək ilkin hazırlıq iclası mayın 29-na təyin edilib.

Şikayət hakim Ruhiyyə Əsgərovanın sədrliyi ilə araşdırılacaq.

Qeyd: Sumqayıt Ağır Cinayətlər Məhkəməsinin hökmü ilə C.Məmmədli 6 il 2 ay müddətinə azadlıqdan məhrum edilib.

Xatırlatma: C.Məmmədli ötən ilin yanvarında cinayət məsuliyyətinə cəlb edilib. Ona qarşı Cinayət Məcəlləsinin 178.2.4 (dələduzluq - xeyli miqdarda ziyan vurmaqla törədildikdə), 182.2.1 (hədə-qorxu ilə tələb etmə - qabaqcadan əlbir olan bir qrup şəxs tərəfindən törədildikdə) 182.2.2 (təkrar hədə-qorxu ilə tələb etmə) və 221.2.2-ci (xuliqanlıq) maddələri ilə ittiham irəli sürülüb.
P.S. TEREF qeyd edir ki, əldə etdiyimiz məlumata görə jurnalist Cəmil Məmmədlinin apelyasiya məhkəməsi onlayn keçiriləcək!