Azərbaycanı və Ermənistanı təmsil edən 10-a yaxın adam Türkiyənin Eskişehir şəhərində görüşərək Qarabağ probleminin həlli məsələsini müzakirə ediblər. A24.Az-ın məlumatına görə, bu barədə Türkiyədə nəşr olunan erməni qəzeti “Agos” bu günkü sayında dərc olunmuş məqalədə bildirilir. Məqalə müəllifi Varduhi Balyan bildirir ki, görüşdə Azərbaycandan 6 təmsilçi və Ermənistandan 4 təmsilçi iştirak edib. Görüş Eskişehir Universitetinin dosenti Uğur Kara tərəfindən idarə olunub.
Görüş iştirakçıları hər iki ölkədəki iqtisadi-siyasi vəziyyət və qoşunların təmas xəttindəki qarşıdurma barədə danışıblar. Əslən Zəngilandan olan məcburi köçkün azərbaycanlılar Andranik adlı erməni kirvələrini axtardıqlarını deyiblər.
“Agos”un yazdığından belə anlaşılır ki, Azərbaycan xalqı üçün çox utandırıcı olan hadisələr ən sonda baş verib. Ermənistan ordusu tərəfindən doğma ocağından qovulmuş azərbaycanlılar ermənicə “Sarı gəlin” dinləyib, ermənilərlə birlikdə dolma yeyiblər. Bu azmış kimi azərbaycanlı məcburi köçkünlər uydurma erməni soyqırımını tanımağın tərəfdarı olduqlarını söyləyiblər. Vəssalam…