“Dünya soyuq müharibə vəziyyətinə qayıdıb, ona görə də NATO ölkələri müdafiə xərclərini artırmalıdır”.

Gununsesi.info xəbər verir ki, bunu Polşa prezidenti Anjey Duda “Politico” qəzetinə müsahibəsində deyib:“Biz dürüst olmalıyıq və özümüzə deməliyik ki, Soyuq Müharibə vəziyyətinə qayıdırıq”.

Onun fikrincə Soyuq Müharibə ABŞ-ın hərəkətləri ilə deyil, Rusiyanın siyasəti səbəbindən başlayıb.

Polşa lideri həmçinin qeyd edib ki, Avropanın “böyük təhlükəsizlik kəsiri var” və NATO ölkələrini “soyuq müharibədə olduğu kimi” müdafiə xərclərinin səviyyəsini ölkənin ÜDM-nin 3%-i səviyyəsində sabitləşdirməyə çağırıb.

Lakin prezident etiraf edib ki, bu məqsədə nail olmaq bir neçə il çəkə bilər.

“Biz hərbi-sənaye kompleksimizi yenidən qurmalıyıq və ehtiyatlarımızı artırmalıyıq. Bunu birlikdə etməliyik və bu gün biz də gecikmədən Ukraynaya dəstək verməliyik”, – deyə Duda əlavə edib.

Qeyd edək ki, NATO sammiti 9-11 iyulda keçiriləcək.