Bu gün “Murad” şadlıq sarayında 25 yaşlı müğənni Vüsal Vüqar oğlu Cəfərovun bıçaqlanması xəbəri yayılıb.

Metbuat.az bununla bağlı həmin şadlıq sarayı ilə əlaqə saxlayıb.. Bunun üçün şadlıq sarayının internetə yerləşdirdiyi telefon nömrələrinə zəng etdik. Sən demə, şadlıq sarayı internetə öz nömrələrini deyil, siravi vətəndaşların nömrələrini qoyubmuş. Zəng etdiyimiz ilk nömrədən, "bura evdi" deyilib, dəstəyi asdılar. İkincidən isə bildirdilər ki, bu Almaz Əmirbəyovaya məxsus şəxsi nömrəsidir. O, hər gün bu restoranla bağlı onlarla zəng gəldiyini söylədi:

“Hər gün onlarla insan zəng edib restoranla bağlı suallar verirlər. Bezmişəm! Neçə dəfə gedib demişəm ki, düzəliş etsinlər".