Kanadada yük qatarı relsdən çıxıb.

"Report" TASS-a istinadən xəbər verir ki, bu barədə CBC telekanalı məlumat yayıb.

Məlumata görə, hadisə ölkənin qərbindəki Britaniya Kolumbiyası vilayətində, Fild şəhərinin şərqində baş verib. İlkin məlumata görə, relsdən 40-dək vaqon çıxıb. Qəza zamanı 3 nəfər ölüb. Onlardan 2-i maşinistlər, 1-i isə mühəndis heyətinin üzvüdür.

Qatarın aid olduğu CP şirkətinin nümayəndələri bildirib ki, vaqonlardakı yük təhlükəli deyilmiş. Kanadanın Nəqliyyatda Təhlükəsizlik Şurası qəza ilə bağlı təhqiqata başlayıb.