Rusiya Prezidenti Vladimir Putin "RS-28 Sarmat" qitələrarası raketi ilə bağlı görülən işlərdən məmnun qalıb.

Axar.az xəbər verir ki, bu barədə danışan Rusiya Xarici İşlər naziri Sergey Lavrov və Müdafiə naziri Sergey Şoyqu Putinin raketin döyüş vəziyyətinə gətirilməsi üçün görülən hazırlıqlara xüsusi maraq göstərdiyini deyiblər.

Ötən həftə Rusiyanın "Arsenal Oteçestva" jurnalının hərbi eksperti Aleksey Leonkov "Sarmat"la bağlı məqaləsində qeyd edib ki, ABŞ-ın bütün əhalisinin məhv edilməsi üçün 10 ədəd "RS-28 Sarmat" qitələrarası balistik raket yetərlidir.

Qeyd edək ki, sözügedən qitələrarası raketin bu ilin ikinci yarısından sınaqlarına başlanacağı gözlənilir. Sınaqların tam olaraq 2020-ci ildə başa çatdırılması planlaşdırılır.