İyulun 25-də İsveçrədə Alp dağlarının Löçental massivində kiçik motorlu təyyarənin qəzaya uğraması nəticəsində təyyarədə olan dörd nəfər həlak olub. SİA xəbər verir ki, ölənlərin ikisi isveçrəli, ikisi isə avstriyalı olub. Polisdən bildirilib ki, dəniz səviyyəsindən üç min metr yüksəklikdə buzlaq ərazidə baş verən qəzanın olduğu ərazidə yanğın baş verib. Xilasedicilər, yanğınsöndürən və helikopterlər hadisə yerinə cəlb olunsalar da, təyyarədəki şəxslərin həyatını xilas etmək mümkün olmayıb.