Nigeriyada polis daxilində yaradılan Xüsusi Oğurluqla Mübarizə Qrupuna qarşı davam edən etirazlar zamanı silahlı şəxslər iki həbsxanaya basqın edib.

Moderator.az xəbər verir ki, Daxili İşlər Nazirliyi tərəfindən edilən açıqlamada böyük bir silahlı qrup Laqos şəhərindəki iki həbsxanaya hücum edib. Baş verən hadisə zamanı həbsxanadan 2 minə yaxın məhbus qaçıb.

Nigeriyanın Daxili İşlər Nazirliyinin sözçüsü Məhəmməd Manqo silahlı şəxslərin həbsxananın təhlükəsizlik işçilərini saxlayaraq məhbusların qaçmasına şərait yaratdıqlarını söyləyib.

Qeyd edək ki, etirazların şiddətə çevrildiyi üçün ölkədə 24 saatlıq komendant saatı elan edilib.