Çinin Fucien vilayətinin Siamen şəhərində baş verən helikopter qəzası 3 nəfərin ölümünə səbəb olub.

Bizim.Media xəbər verir ki, bu haqda məlumatı Çin Mülki Aviasiya Administrasiyası yayıb.

Mənbə bildirir ki, hadisə dünən yerli vaxtla saat 16:30-da baş verib.

Belə ki, turizm xidmətləri göstərən aviasiya şirkətinə məxsus helikopter növbəti səyahət uçuşu yerinə yetirərkən dənizə düşüb. Əraziyə gələn xilasedicilər 3 nəfərin meyitini tapıblar. Bir nəfərin axtarışları davam edir.

Hələlik qəzanın səbəbləri bilinmir.