Hücum ölkənin “müvəqqəti paytaxtında” həyata keçirilib.

Naməlum şəxslər Yəmənin hərbi kəşfiyyatının başçısı general Ədham əl-Caarini qətlə yetiriblər.

Telekanalın məlumatına görə, zabitə hücum ölkənin “müvəqqəti paytaxtı” Aden şəhərinin Es-Saada rayonunda törədilib. Cinayətin arxasında kimin durduğu və digər təfərrüatlar məlum deyil.

2014-cü ilin avqust ayından Yəməndə Səudiyyə Ərəbistanının dəstəklədiyi ölkə hakimiyyəti və şiə qiyamçıları husilər arasında qarşıdurmalar səngimək bilmir. 2015-ci ilin yanvarında qiyamçılar ölkənin paytaxtı Sananı ələ keçiriblər.

Prezident Abd Rabbo Mansur Hadi əvvəlcə Adenə köçməli olub, mart ayını 25-də qiyamçılar şəhərə daxil olduqdan sonra o, ölkəni tərk edib. Uzun müddət o, Ər-Riyadda qalmalı olub və Adenə noyabrın ortasında qayıdıb. Mart ayının 26-dan Səudiyyə Ərəbistanı Bəhreynin, Qətərin, Küveytin və BƏƏ HHQ-nin dəstəyi ilə qiyamçılara qarşı hərbi əməliyyatlar aparır. (oxu.az)