Azərbaycanda bu bankın ləğv prosesi tamamlana bilər - 20 İLDƏN SONRA
29-10-2021, 13:06
Bu ilin sonunadək 2001-ci ildən ləğv prosesində olan "Borçalı Bank"ın ləğv prosesinin tamamlanması gözlənilir.
Qafqaz.media xəbər verir ki, bunu "APA-Economics"ə Əmanətlərin Sığortalanması Fondunun (ADIF) icraçı direktorunun müşaviri Aqşin Cahangirov deyib.
Onun sözlərinə görə, gələn il isə daha iki bankın (adları açıqlanmır – red.) ləğv prosesinin tamamlanması nəzərdə tutulur.
"Hazırda Azərbaycanda 21 bank ləğv edilməkdədir. Onlardan ən birinci ləğv olunan bank 2001-ci ildə ləğv olunsa da, hələ də proses bitməyib. Biz istəyirik ki, bu il həmin o bankın ləğv edilməsini tamamlayaq. Növbəti ildə əlavə iki bankın ləğv edilməsini başa çatdırılmasını planlaşdırırıq", - deyə A. Cahangirov qeyd edib.
