Moskva vilayətində monastırda baş verən partlayış nəticəsində 1 nəfər ölüb, 8 nəfər xəsarət alıb
13-12-2021, 12:07
Moskva vilayətindəki Serpuxov qadın monastırında baş verən partlayış nəticəsində 8 nəfər, o cümlədən 7 uşaq xəsarət alıb, 1 nəfər həlak olub.
AZƏRTAC xəbər verir ki, ilkin məlumata görə, səhər saatlarında monastırın nəzdindəki dini gimnaziyanın keçmiş şagirdi əldəqayırma partlayıcı qurğunu işə salıb. Hadisəni törədən gənc həlak olub, xəsarət alan şagirdlərə yerində tibbi yardım göstərilib. Onlardan biri xəstəxanaya yerləşdirilib.
Fəridə Abdullayeva
AZƏRTAC-ın xüsusi müxbiri
