Son vaxtlar icra başçılarının xidməti avtomobilləri ilə bağlı qalmaqallı videolar yayılır. Mingəçevir və Ağstafa icra başçılarının xidməti avtomobillərindən sonra bu dəfə reportyor.tv Zərdab rayonunun icra başçısı Lütvəli Babayevin 63 AA 001 dövlət nömrə nişanlı xidməti avtomobili haqda videogörüntülər yayıb. Martın 27-si, həftənin bazar günü Bakıdan Zərdab rayonu istiqamətində hərəkət edən avtomobil yol hərəkəti haqda qanunları pozaraq 90 km/saat sürət həddi olan Bakı-Qazax yolunda sürət həddini iki dəfədən də çox aşaraq 190 km/saat-la hərəkət edir.