Baş Prokuror yanında Korrupsiyaya qarşı Mübarizə Baş İdarəsi Şəmkirdə əməliyyat keçirib.

TEREF xəbər verir ki, yenicag.az-a daxil olan məlumata görə, keçirilən əməliyyatla Şəmkir Rayon İcra Hakimiyyəti (RİH) başçısının Çinarlı qəsəbəsi üzrə icra nümayəndəsi Elçin Abbasov saxlanılıb.

Məlumatı RİH və aidiyyəti qurumlarla dəqiqləşdirməyə çalışsaq da, zənglərimizə cavab verilməməsi səbəbindən cəhdlərimiz nəticəsiz qaldı.

Qeyd edək ki, Çinarlı qəsəbə sakinləri 3 ay əvvəl Yenicag.az-a şikayət ünvanlayaraq Elçin Abbasovun qanunsuz əməlləri barədə məlumat vermişdilər. Lakin icra ümayəndəsi sələndirilən iddiaların yalan olduğunu bildirmişdi.