ABŞ ordusu Suriyanın şimal-şərqində Amerika bazası üzərində uçuş edən İran istehsallı pilotsuz uçan aparatı vurub.

Bu barədə çərşənbə günü ABŞ SQ Mərkəzi komandanlığında (CENTCOM) bəyan ediblər.

Xəbəri fevralın 15-də «ABC News» yayıb.

İnsident Türkiyə və Suriyanı titrədən 7,7 maqnitudalı ölümcül zəlzələnin baş verməsindən bir həftə sonra baş verib.

CENTCOM-un bəyanatında deyilir ki, kəşfiyyat PUA-sı ABŞ hərbçilərinin dislokasiya yeri olan Deyr-əz-Zor əyaləti üzərindən uçub edib və bu zaman vurulub.

Qruplaşmalardan heç biri PUA-nın buraxılmasının məsuliyyətini üzərinə götürməyib. Bu ərazidə dislokasiya olunan Amerika ordusu tez-tez raket və minamyot atəşinə tutulur. Ərazinin yaxınlığında İran tərəfindən dəstəklənən üsyançıların və «İslam dövləti» terrorçu qruplaşmasının bazası yerləşir.

Suriyada hazırda 900-ə yaxın ABŞ hərbi qulluqçusu yerləşib, onlar Suriyanın şimal-şərqinə nəzarət edən «Suriya demokratik qüvvələri» (CDC) adlı kürd döyüşçüləri ilə sıx əməkdaşlıq edirlər (Mənbə: /eadaily.com/).