“Zəlzələ bölgəsinə çatanda ilk olaraq uşaqlarla işləməyə başladıq. Çünki valideynlərin vəziyyəti övladlarına dəstək olmağa imkan vermirdi”.

Bunu azərbaycanlı könüllülərin tərkibində Türkiyədəki zəlzələ bölgəsinə gedən Azərbaycan Psixologiya Akademiyasının psixoloqu Səbinə Cəbrayılova deyib.

O, könüllülük fəaliyyəti müddətində onu təsirləndirən məqamlardan da danışıb:

“Uşaq çadırında idim. Kəskin qoxu gəldi. Öyrəndim ki, az zərər görən binada fiziki məhdudiyyətli biri zəlzələdən o qədər təsirlənib ki, dözə bilməyərək özünü yandırıb”.