Ürəklərimizin cümhur başqanı Elçibəyi anarkən
Dünyada çox kəndlər , ellər – obalar var . Novxanını və Kələkini doğma kəndimiz edən Uca Bayraq tutan Bəylərimiz Məhəmməd Əmin Rəsulzadə və Elçibəydir . Kim nə deyir desin , bu iki öndərin arasında başqa heç kim görünmür . Biri heçdən istiqlal rəmzi üçboyalı BAYRAQ yapıb başı üzərində qaldırdı və “Bir kərə yüksələn bayraq bir daha enməz” dedi . O biri bolşevik süngüsünün Azərbaycan türklərinin yanıqlı ürəklərinə endirdiyi şəhidimizin son örtüyü BAYRAĞI yenidən Azərbaycanın başı üzərinə qaldırıb böyük BƏYİMİZİN yolçusu olduğunu ortaya qoydu .
Elçibəy də , böyük öndər də cılız davalar etməyib , onların davası Azərbaycanın bağımsızlığı olub . Onlar BAYRAQ davası ediblər ! Bu gün də özləri BAYRAQ kimi başımızın üstündədirlər . İndi bir çoxları qəhraman olub , dil savaşına , BAYRAQ ADAMLARIMIZI aşağılamaq davasına çıxıblar .Hərə əlinə bir daş alıb atır . Dünən bığını qırxıb , arvad paltarı geyinib milli dövlətə qarşı qiyama çıxanların yanından atəş açanlar , bu gün yanlarını dəyişib daşlarını yenə də BƏY evinə tuşlayıblar . Nə qədər yazıq olasan ki , əli daşlı başsız olduğunu ,cılız yazıq olduğunu unudasan .
Kişinin sözü bir olar . Demişəm və deyəcəyəm : MƏHƏMMƏD ƏMİN RƏSULZADƏDƏN ÖZGƏ ÖNDƏR , ELÇİBƏYDƏN BAŞQA AZƏRBAYCAN DÖVLƏT BAŞÇISI TANIMIRAM VƏ YƏQİN BUNDAN SONRA DA TANIMAYACAĞAM !
DOĞUM GÜNÜN QUTLU OLSUN , BƏY!
Məğrur Bədəlsoy
Teref/info