Hərbi helikopter qəzaya uğradı: Ölənlər var
9-08-2023, 08:38
Braziliyada Hərbi Dəniz Qüvvələrinə məxsus helikopter təlim zamanı qəzaya uğrayıb.
Publika.az xəbər verir ki, bu barədə ölkənin Müdafiə Nazirliyi məlumat yayıb.
“Sizə bildiririk ki, Braziliya Hərbi Dəniz Qüvvələrinin təyyarəsi ilə insident nəticəsində iki hərbçi həlak olub”, - qurumun açıqlamasında deyilir.
“G1” xəbər portalının məlumatına görə, hadisə nəticəsində 9 nəfər xəsarət alıb.
Qeyd olunub ki, aviasiya hadisələrinin araşdırılması üzrə komissiya qəzanın səbəb və şəraitinin müəyyən edilməsi proseduruna başlayıb.
