Ukrayna Ali Radasında Aleksey Reznikovun müdafiə naziri vəzifəsindən istefası səsverməyə çıxarılıb.. Bu qərarı 327 deputat dəstəkləyib.

Bakupost.az xəbər verir ki, Ukrayna xalq deputatı Yaroslav Jeleznyak Telegram-da bildirib ki, Reznikov bu gün parlamentdə Ukraynaya hərbi yardımın 100 milyard dollara çatdığını deyib.

"Altı ayda 200 min gülləkeçirməz jilet, 150 min dəbilqə ehtiyatı var. Biz 1,5 milyon qış forması, 2 milyon yay forması təmin etdik. 200-dən çox Qərb silahı nümunəsi silahlanmaya qəbul edilib verilib", - deyə deputat Reznikovdan sitat gətirib.

Nazir həmçinin bildirib ki, Ukrayna pilotsuz təyyarələrinin 30-dan çox modeli istifadəyə verilib. Reznikov qeyd edib ki, bu gün heç də bütün NATO ölkələri Ukraynanın indiki səviyyəsinə çatmayıb.

Jeleznyak deyib ki, Reznikov çıxışını “Mənim şərəfim var” sözləri ilə bitirib.