Ermənistanın baş naziri Nikol Paşinyana sui-qəsd hazırlamaqda ittiham olunan “Yerkrapa” könüllülər ittifaqının keçmiş sədr müavini, İrəvanın keçmiş meri Albert Bazeyan yanvarın 23-dək həbsdə qalacaq.

“Report” Ermənistan KİV-ə istinadən xəbər verir ki, bu barədə onun vəkili Georgi Melikyan məlumat verib.

Hakim A.Bazeyanın vəkilinin barəsində həbs qətimkan tədbirinin dəyişdirilməsi ilə bağlı vəsatətini rədd edib.

Xatırladaq ki, Ermənistan Milli Təhlükəsizlik Xidməti sentyabrın 23-də Albert Bazeyanla birlikdə “Səlibçilər” hərbi-vətənpərvərlik təşkilatının daha 7 üzvünün saxlanıldığı barədə məlumat vermişdi. A.Bazeyan sentyabrın 26-da dövlət çevrilişinə cəhd ittihamı ilə həbs edilib.