Ramazan ayının gəlişi ilə bir çox insan sahurda nə yeyiləcək sualına cavab axtarmağa başlayır. Orucluq zamanı insanı tox saxlayan qidalar son günlərin ən çox axtarılan qidaları arasında yer alıb. Sahur süfrələrinin vazkeçilməz hissəsi olan tahin Ramazan ayında ən çox istehlak edilən qidalar arasındadır. Tahin oruc tutarkən aclıq hiss etməmənizi təmin edir. Bu qida bədəni lazımi enerji ilə təmin edir. Tahinin doydurucu və enerjiverici xüsusiyyətləri onu Ramazan ayında yeyilməsini son dərəcə təsirli edir. Foodinfo.az tahinin bəzi faydalarını təqdim edir:- Tahin bitki mənşəli yüksək protein tərkibinə malikdir. Xüsusilə vegetarian və ya vegan pəhrizinə riayət edənlər üçün əhəmiyyətli bir protein mənbəyi hesab olunur. - Yağ turşuları ilə zəngindir. Bu yağlar ürək sağlamlığını dəstəkləyir və pis xolesterini aşağı salır. - Tahinin tərkibində kalsium, dəmir, maqnezium, fosfor, kalium və B vitaminləri kimi bir çox mineral və vitamin var. Xüsusilə kalsiumla zəngin olması sümük sağlamlığı üçün vacibdir. - O, antioksidantlarla zəngin qidadır. Antioksidantlar hüceyrə zədələnməsinin qarşısını alır və bədəndəki sərbəst radikallarla mübarizə apararaq ümumi sağlamlığı dəstəkləyir. - Tahini zülal və sağlam yağlarla zəngin olduğu üçün qan şəkərinin daha bərabər yüksəlməsinə və azalmasına kömək edir. Bu da toxluq hissini artıra və ani aclıq hücumlarının qarşısını alır.