ABŞ-ın Luiziana ştatının Yeni Orlean şəhərində polis marixuananı ələ keçirsə belə, müsadirə edilmiş bu əmlakı polis binasının içərisinə daxil olan “dəvətsiz qonaqların” qarşısını ala bilmir.

İndex.az xəbər verir ki, bu barədə şəhərin polis rəisi Enn Kirkpatrik Nyu Orlean Şəhər Şurasının üzvlərinə açıqlamasında ələ keçirdikləri marixuananı siçovulların yediyini bildirib.

Yerli mətbuatın yazdığına görə, 1968-ci ildə tikilmiş polis idarəsini siçovullar, tarakanlar və digər həşəratlar çoxdan bürüyüb.

Kirkpatrik şikayət edib ki, məmurlar hətta onun masalarında siçan zibilləri tapıblar.

Bir qəzetə danışan Kirkpatrik deyib: “Yalnız polis bölməsində deyil, bu, bütün şöbələrdə var. Çirklənmə pik həddədir. Təmizlik işçiləri təmizlənməsi çətin olan bu çirkabı təmizləməyə çalışdıqları üçün mükafata layiqdirlər”.