ABŞ-nin müdafiə naziri Pit Heqset ağır psixi pozğunluğu olan şəxslərin hərbi xidmətə çağırılmasını qadağan edən memorandum imzalayıb.

Oxu.Az bu barədə "RİA Novosti" agentliyinə istinadla xəbər verir.

Pentaqonun dərc etdiyi sənəddə izah edilir ki, bu cür xəstəliklər təkcə döyüş tapşırıqları üçün deyil, həm də digər hərbçilərin təhlükəsizliyi üçün təhlükə yaradır.

Mütləq əks-göstərişlər siyahısına şizofreniya, dağınıq skleroz və epilepsiya daxildir. Son bir ildə intihara və ya qətlə cəhd etmiş namizədlərə də xüsusi diqqət yetirilib.

Hərbi rəhbərliyin fikrincə, bu cür hallar döyüş şəraitində riskləri artırır və ciddi nəzarət tələb edir.