Rusiya Avropa İttifaqının sanksiyalarına cavab olaraq, Avropa institutlarının və təşkilata üzv ölkələrin Rusiyaya girişi qadağan olunmuş nümayəndələrinin siyahısını əhəmiyyətli dərəcədə genişləndirib.

Bu barədə Rusiya Xarici İşlər Nazirliyi bəyanat yayıb.

“Aİ-nin Rusiyaya qarşı düşmənçilik fəaliyyəti rəsmi Moskvanın siyasətinə heç bir təsir göstərə bilməz. Rusiya öz milli maraqlarını müdafiə etmək və yeni ədalətli dünya nizamını qorumaq kursunu davam etdirəcək. Aİ-nin sonrakı sanksiya qərarları da vaxtında və adekvat cavab alacaq”, – Rusiya Xarici İşlər Nazirliyinin bəyanatında deyilir.