"FTB əməkdaşları Nyu-York Fond Birjasını partlatmaq planı ilə bağlı Floridadan olan bir şəxsi saxlayıblar"

ABŞ-ın Federal Təhqiqatlar Bürosunun (FTB) əməkdaşları Nyu-York Fond Birjasında partlayış planlaşdırmaqda şübhəli bilinən şəxsi saxlayıblar. AYNA xəbər verir ki, bu barədə “CBS News” məlumat yayıb.

"FTB əməkdaşları Nyu-York Fond Birjasını partlatmaq planı ilə bağlı Floridadan olan bir şəxsi saxlayıblar", - məlumatda qeyd olunub.

“CBS News” məhkəmə sənədlərinə istinad edib. Sənədlər göstərir ki, ABŞ-ın cənub-şərqində yaşayan Harun Əbdül-Malik Yener bombalı terror üçün göstərişlərə əməl edib. İlkin məlumata görə, o, birjanı partlatmaq istəyib. O, özünü “Əl-Qaidə” terror təşkilarının keçmiş lideri Usamə bin Laden kimi hiss etdiyini söyləyib.