Evdə sirkə düzəltmək düzgün və sağlam bir üsul ola bilər, lakin proses gigiyenik qaydalara əməl edilmədikdə və düzgün aparılmadıqda zərərli ola bilər. Foodinfo.az xəbər verir ki, sirkə hazırlamaq üçün təbii meyvələrdən (məsələn, alma, üzüm və ya armud) istifadə olunur. Fermentasiya prosesində şəkər mayaya çevrilir, daha sonra bakteriyaların təsiri ilə sirkə turşusuna çevrilir. Ev şəraitində hazırlanmış sirkə təbii və qatqısız olduğu üçün sağlamlıq baxımından faydalıdır. Lakin gigiyena qaydalarına əməl olunmazsa, sirkə turşusunun miqdarı qeyri-kafi ola bilər, bu da məhsulun bakteriya və ya kiflə çirklənməsinə gətirib çıxarar. Bu halda, sirkə istifadəsi sağlamlıq üçün riskli ola bilər. Proses zamanı steril şüşə qablar və təmiz su istifadə edilməli, fermentasiya üçün sərin və qaranlıq bir mühit seçilməlidir. Evdə hazırlanan sirkəni dad və qoxu ilə yoxlamaq vacibdir – xoşagəlməz qoxu və ya küf görünüşü varsa, istifadə etməkdən çəkinmək lazımdır. Düzgün hazırlandıqda isə evdəki sirkə qidalarınıza dad qatmaqla yanaşı sağlamlığınız üçün də faydalı ola bilər.