Dünən görkəmli Azərbaycan şairi Məmməd Arazın anım günü keçirilib.

Strateq.az xəbər verir ki, şairin anadan olmasının 83-cü ildönümə həsr olunmuş tədbir Fəxri Xiyabanından başlayıb. Şairin qəbrini ziyarət edən ədəbiyyat adamları daha sonra Yazıçılar Birliyinin Natəvan Klubunda toplaşıblar.

Anım tədbiri tanınmış şair Musa Yaqubun çıxışıyla başlayıb. Musa Yaqub çıxışında öz qələm dostu ilə bağlı xatirələriylə yanaşı, şairin yaradıcılığından, ədəbiyyatımızda oynadığı əvəzsiz rolundan da danışıb. Daha sonra çıxış edən Qardaşxan Əziz, Abbas Abdulla, Çingiz Əlioğlu, Kəmaləddin Qədim, İradə Tuncay, Oqtay Rza, Ramiz Duyğun kimi qələm sahibləri Məmməd Araz poeziyasının incəliklərindən bəhs ediblər. Toplantıda məktəblilər şairin şeirlərini oxuyublar.

Anım günündə Məmməd Arazın ömür-gün yoldaşı Gülxanım Fətəliqızı da iştirak edib. Tədbirin sürpiz qonağı isə Amerikada yaşayan azərbaycanlı şair Hüseyn Zarə olub.

Anım günündən şəkillər: