Göyçay rayonunda Yol Polisi şöbəsinin rəisinin qanunsuz əməllərinə etiraz etdiyi üçün iş adamı həbs edilib.

teref.az yazır ki, bu haqda hüquq müdafiəçisi Oktay Gülalıyev sosial mediada xəbər verib.

“Bir neçə gün öncə Göyçay rayon Yol Polis şöbəsinin rəisinin qanunsuz hərəkətlərinə etiraz edən 500- dən çox yerli sakin dinc etiraz aksiyası keçirmişdi. Əlaqədar qurumlar şikayəti araşdırıb lazımi ölçü götürmək əvəzinə sərbəst toplaşmaq hüququndan istifadə edən insanlara qarşı təzyiqlərə başlayıb. Az öncə aldığımız məlumata görə Göyçay sakini, yerli iş adamı Mayılov Çingiz Sabir oğlu həbs edilib. Digər şəxslərin izlənməsi və həbsi istiqamətində tədbirlər həyata keçirilir”.

Mediada gedən xəbərlərə görə iş adamı Çingiz Mayılov özü, həyat yoldaşı və iki övladı Yeni Azərbaycan Partiyasının üzvüləridir.