Yasamal rayonu Qurban Xəlilov küçəsində çöküntü baş verib. Çöküntünün təxminən 1-1.5 metr dərinlikdə olduğu müşahidə olunur.

İlkin səbəblərə gəldikdə isə hadisənin yolun alt hissəsindən keçən kəmərdən sızan suyun asfalt örtüyünü yuması nəticəsində baş verdiyi bildirilir.

Hadisə yolda nəqliyyat vasitələrinin hərəkətinə maneə yaratmaqla yanaşı, həm də qəza riskinə səbəb olur. Çünki sürücülər yalnız əraziyə çatanda asfaltın çökdüyünün şahidi olurlar. Bununla bağlı hər hansı məlumatverici lövhə qoyulmayıb.

Azərbaycan Avtomobil Yolları Dövlət Agentliyindən bildirilib ki, ərazidə təhlükəsizlik tədbirləri görülüb: "Hadisə yerinə əməkdaşlarımız cəlb olunub. Həmin ərazidə bərpa işləri aparılır və yaxın müddətdə yekunlaşacaq".

Ətraflı Baku TV-nin süjetində: