Çili sahillərində 7,4 bal gücündə zəlzələ baş verib.
Bu barədə Avropa-Aralıq dənizi Seysmoloji Mərkəzinin məlumatında bildirilib.

Çili zəlzələdən sonra Magellan boğazının bütün sahil zonasının təxliyə edilməsi barədə göstəriş verib.

Bu barədə ölkə Prezidenti Qabriel Boriç sosial şəbəkə hesabında məlumat verib.

Onun sözlərinə görə, mümkün sunami ilə bağlı xəbərdarlıq zəlzələnin episentrindən 185 mil radiusda yerləşən sahilyanı ərazilərə aiddir.