Almaniyanın cənub-qərbində tikinti liftinin düşməsi nəticəsində üç nəfər ölüb.

“Report” xəbər verir ki, bu barədə “Stern” jurnalı məlumat yayıb.

“Baden-Vürtemberqin ən böyük tikinti meydançalarından birində, Horb-am-Nekkar şəhərində körpü tikintisi üçün nəzərdə tutulmuş liftin qəzası sonucunda üç fəhlə həlak olub”, – nəşr yazıb.

Qeyd olunub ki, lift tikinti kranına bərkidilməli olsa da, ayrıldığı üçün hadisə baş verib.

Faktla bağlı araşdırma aparılır.