"Koroğlu" stansiyasında baş vermiş intihar hadisəsi barədə — Metropolitendən AÇIQLAMA
30-11-2016, 10:58
Bakı metropoliteninin "Koroğlu" stansiyasında intihara cəhd hadisəsi baş verib.
Metroya daxil olan vətəndaş özünü qatarın altına atıb.
Baş verən hadisə ilə bağlı “Bakı Metropoliteni” QSC-nin mətbuat xidmətinin rəhbəri Nəsimi Paşayev Ölkə.Az-a bunları bildirib:
"Həmin şəxsin kimliyini araşdırırq. Hadisə "Koroğlu" stansiyasında saat 09:15-də olub. Kimliyi bilinməyən şəxs özünü "Həzi Aslanov" stansiyası istiqamətinə gedən qatarın altına atıb.
Özünü qatarın altına atan şəxs 55-60 yaşlarında bir kişidir. Hadisə qəfil baş verdiyindən maşinist qatarı tam saxlaya bilməyib. Özünü qatarın altına atan şəxs xoşbəxtlikdən ölməyib. Hadisəyə görə xətdə müvəqqəti gecikmə yaranıb. Qatar orada saxlanılıb, ona görə də, metroda gecikmə var. Polislər vətəndaşın kimliyini araşdırır".
Qeyd edək ki, intihara cəhd edən şəxs xəstəxanaya yerləşdirilib.
