Rusiyada qəza nəticəsində ölənlərin sayı 12 nəfərə çatıb
4-12-2016, 19:09
Rusiyanın Tümen vilayətində avtomagistralda baş verən qəza nəticəsində ölənlərin sayı 12 nəfərə çatıb.
APA-nın “RİA Novosti” agentliyinə istinadən verdiyi məlumata görə, ölənlərin 10-u uşaqdır.
Qeyd edək ki, bu gün Tümen vilayətində Xantı-Mansiysk magistralında avtobus, iki minik maşını və bir yük maşını toqquşub. Avtobusda 29-u uşaq olmaqla, 32 nəfər olub.
***
saat 17.08
Rusiyanın Tümen vilayətində avtomagistralda baş verən qəza nəticəsində 10 nəfər ölüb.
APA-nın “RİA Novosti” agentliyinə istinadən verdiyi məlumata görə, Xantı-Mansiysk magistralında avtobus, iki minik maşını və bir yük maşını toqquşub.
Avtobusda 29-u uşaq olmaqla, 32 nəfər olub. Qəzada ölən 10 nəfərdən 9-u uşaqdır. Qəzanın səbəbkarı avtobus sürücüsü olub. Hadisə yerinə 10 təcili yardım briqadası göndərilib.
