Xeyli vaxtdır Azərbaycandakı banklar müxtəlif bəhanələrlə dollar qıtlığı yaradıblar.

Bu gün hər hansı səbədən dollara ehtiyac duyan vətəndaş bu xarici valyutanı tapa bilmir. Daha doğrusu, banklar dollar satmaq istəmir..

Modern.az saytının əməkdaşı bunun bir daha əyani şahid olub.

Əməkdaşımız metronun “Gənclik” stansiyası ətrafında yerləşən “Beynəlxalq Bank”, “Turanbank”, “NBC bank” və “Ata Bank”ın filiallarında olub.

Müşahidə aparığımız bu baklardakı tablolarda satış məbləği yazılsa da, müştərilərə xarici valyuta satılmırdı. Banklarda olduğumuz zaman çox qısa fasilələrlə valyuta almaq istəyənlərin bu filiallara baş çəkdiklərinə şahidlik etdik.

Bankların adları çəkilən filiallarına daxil olan şəxslər dolların satılmadığı cavabını alandan sonra gileylənə-gileylənə “yəqin ki, o biri banklarda olar” deyib yollarına davam edirdilər.
Bank işçiləri yaranmış vəziyyətin səbəbini Modern.az-ın əməkdaşına izah edə bilməyərık, bunun nə vaxt düzələcəyini dəqiq bilmədiklərini deyiblər.