Şimali Koreyanın "Air Koryo" aviaşirkətinin Vladivostokdan (Rusiya) Pxenyana həyata keçirməli olduğu reys Koreya Xalq Demokratik Respublikası və ABŞ arasında insident baş verə biləcəyi təhlükəsi səbəbindən 8 saat gecikib.
"Report" xəbər verir ki, bu barədə öz mənbələrinə istinadən "Avia.pro" agentliyi məlumat yayıb.
Reysin gecikdirilməsinə dair qərar aviaşirkət rəhbərliyi tərəfindən qəbul olunub.
"İlkin məlumata görə, ABŞ-ın hərbi gəmi və təyyarələrinin KXDR-yə zərbə endirmək niyyətində olmasına dair təhlükə mövcuddur", - deyə agentlik yazıb.
"Air Koryo" şirkətinin rəhbərliyi məsələyə münasibət bildirməyib.