“Xəzər” telekanalının aparıcısı Zaur Kamal izləyicilərin tənqid atəşinə tutulub.

A24.az xəbər verir ki, Ermənistan tərəfinin təxribatı nəticəsində həlak olan 2015-ci il təvəllüdlü Zəhra ilə bağlı məlumatlar ölkənin əsas xəbər başlığına çevrildiyi gün Zaur Kamal iştirak etdiyi toydan fotolar paylaşıb.

Fotolarda Telli Borçalı, Namiq Qaraçuxurlu da əksini tapıb.


Bu cür hadisələr zamanı daha çox həmin ölkənin məşhurları məsələni gündəmdə saxlamağa üstünlük verməsini gözləyən izləyicilər isə Zaur Kamalı tənqid atəşinə tutublar. Onlar vətənin şəhid verdiyi bir gündə toydan foto paylaşmağın aparıcıya yaraşmadığını söyləyərək şəhid olan Zəhranın fotosu paylaşmağı tələb ediblər.

Aparıcı isə bu tənqidlərə heç bir reaksiya bildirmədən yenidən toydan fotolar paylaşıb.