Rusiyada COVID-19-un yeni dalğası bu il payızın sonu - qışın əvvəlində başlaya bilər.
Bu fikri tibb elmləri namizədi, “Invitro” şirkətinin infeksion xəstəliklər üzrə mütəxəssisi Andrey Pozdnyakov “RİA Novosti”yə müsahibəsində bildirib.

O qeyd edib ki, koronavirus heç bir açıq mövsümilik göstərmir. Rusiyada qeydə alınan son ştam tez-tez mülayim şəkildə davam edən yoluxma hallarının artmasına səbəb oldu və insanlar isə həkimə müraciət etmirlər. Buna görə də hadisələrin pik həddi ilə bağlı proqnoz vermək olduqca çətinləşib.

"Yalnız güman edə bilərəm ki, növbəti əhəmiyyətli artım payızın sonu və ya qışın əvvəlinə yaxın baş verə bilər. Çünki pandemiyanın sonrakı gedişi əsasən virusun yeni ştamlarının yaranmasından və kollektiv immunitetin zəifləməsindən asılıdır", - Pozdnyakov bildirib.