Tanınmış fransalı jurnalist Aleksis Kraland dünən Fransanın paytaxtı Parisdə keçirilən kütləvi iğtişaşlar zamanı polis hücumuna məruz qalıb.

Axar.az xəbər verir ki, Fransa polisi (CRS) videoçəkiliş edən jurnalisti vəhşicəsinə döyüb. Hadisə anı kameranın obyektivinə tamamən həkk olunub.

Polis əvvəlcə bir gəncin üzərinə hücum edib, sonra isə Kralandı dəyənəklə vurmağa başlayıb. Yerə yıxılan jurnalist dəfələrlə başından zərbə alıb və hadisə yerinə gələn digər polislər də Kralandın üzünə gözyaşardıcı qaz sıxıb.

Hüquq-mühafizə orqanları tərəfindən əvvəlcə saxlanılıb, daha sonra sərbəst buraxılan Kraland sözügedən videonu öz Tvitter səhifəsində paylaşır.

Qeyd edək ki, Kraland Avropada ultrasağçı baxışları ilə tanınan jurnalistdir.